സെപ്റ്റംബര് 21 മുതല് രാജ്യത്ത് സ്കൂളുകള് ഭാഗികമായി തുറക്കുന്നതിന് മാര്ഗനിര്ദേശങ്ങള് പുറത്തിറക്കി കേന്ദ്ര ആരോഗ്യ മന്ത്രാലയം
ന്യൂഡല്ഹി: (www.studentsmedia.co 09.09.2020) സെപ്റ്റംബര് 21 മുതല് രാജ്യത്ത് സ്കൂളുകള് ഭാഗികമായി തുറക്കും, മാര്ഗനിര്ദേശങ്ങള് പുറത്തിറക്കി കേന്ദ്ര ആരോഗ്യ മന്ത്രാലയം. ഒമ്പത് മുതല് പ്ലസ് ടു വരെയുള്ള ക്ലാസുകള് മാത്രമെ തുറക്കുകയുള്ളു. കണ്ടെയ്ന്മെന്റ് സോണിന് പുറത്തുളള സ്കൂളുകള് തുറന്ന് പ്രവര്ത്തിക്കുന്നതിനാണ് അനുമതി. മാര്ഗനിര്ദ്ദേശം സ്വീകരിക്കുന്നതിന് വോളന്ററി അടിസ്ഥാനത്തില് സ്കൂളുകളിലെ പ്രവര്ത്തനങ്ങള് ഭാഗികമായി പുനരാരംഭിക്കുന്നതും ഇതില് ഉള്പ്പെടുത്തിയിട്ടുണ്ട്. കേന്ദ്ര ആരോഗ്യമന്ത്രി ഹര്ഷവര്ധന് പ്രസ്താവനയിലാണ് ഇക്കാര്യം അറിയിച്ചത്.
വിദ്യാര്ഥികള് തമ്മില് ആറടി അകലം പാലിക്കണം, മാസ്ക് ധരിക്കണം, കൈകള് സോപ്പ് ഉപയോഗിച്ച് ഇടയ്ക്കിടെ കഴുകണം, സാനിറ്റൈസര് ഉപയോഗിക്കണം, തുമ്മമ്പോഴും ചുമയ്ക്കുമ്പോഴും കര്ച്ചീഫ് ഉപയോഗിച്ചോ ടിഷ്യു ഉപയോഗിച്ചോ മുഖം മറയ്ക്കുന്നത് ഉള്പ്പടെയുളള കാര്യങ്ങള് ശ്രദ്ധിക്കണം. ആരോഗ്യസേതു ആപ്പ് ഡൗണ്ലോഡ് ചെയ്യണം.
സ്റ്റാഫ് റൂം, ഓഫീസ്, ലൈബ്രറി തുടങ്ങിയ ഇടങ്ങളിലെല്ലാം സാമൂഹിക അകലം നിര്ബന്ധമായും പാലിക്കണമെന്നും മാര്ഗനിര്ദേശത്തില് പറയുന്നു. പകുതി അധ്യാപകര്ക്കും ജീവനക്കാര്ക്കും മാത്രമെ പ്രവേശനം ഉണ്ടാകൂ എന്നും സര്ക്കാര് മാര്ഗനിര്ദേശത്തില് പറയുന്നു. ഓണ്ലൈന്, വിദൂര വിദ്യാഭ്യാസ രീതി തുടരുമെന്നും അത് പ്രോത്സാഹിപ്പിക്കുമെന്നും മാര്ഗനിര്ദേശത്തില് പറയുന്നു. അതേസമയം, ഒന്ന് മുതല് എട്ടാം ക്ലാസുവരെയുള്ള ക്ലാസുകള് തുറക്കുന്നത് സംബന്ധിച്ച് തീരുമാനമായിട്ടില്ല.
Comments
Post a Comment