ഇന്ത്യന് ഇന്സ്റ്റിറ്റ്യൂട്ട് ഓഫ് ടെക്നോളജിയും (ഐ.ഐ.ടി) നാഷണല് ഇന്സ്റ്റിറ്റ്യൂട്ട് ഓഫ് ടെക്നോളജിയും (എന്.ഐ.ടി) 2021-22 അധ്യായന വര്ഷം മുതല് മാതൃഭാഷകളില് ക്ലാസുകള് ലഭ്യമാക്കുമെന്ന് കേന്ദ്ര വിദ്യാഭ്യാസ മന്ത്രാലയം അറിയിച്ചു
പുതിയ ദേശീയ വിദ്യാഭ്യാസ നയത്തിന്റെ അടിസ്ഥാനത്തില് ഓരോ വിദ്യാര്ത്ഥിയുടെയും മാതൃഭാഷയില് വിദ്യാഭ്യാസം ലഭ്യമാക്കുന്നതിന്റെ ഭാഗമായാണ് രാജ്യത്തെ ഐ.ഐ.ടികളിലും എന്.ഐ.ടികളിലും പുതിയ മാറ്റം കൊണ്ടു വരുന്നത്. ഇതിനായി ചില ഐ.ഐ.ഐടികളെയും എന്.ഐ.ടികളെയും ഷോര്ട്ട് ലിസ്റ്റ് ചെയ്തിട്ടുണ്ട്.
പുതിയ നടപടിയുടെ ആരംഭഘട്ടമെന്ന നിലയില് ഐ.ഐ.ടി ബനാറസ് ഹിന്ദു സര്വകലാശാലയില് എഞ്ചിനീയറിങ് ക്ലാസുകള് ഹിന്ദിയില് ലഭ്യമാക്കും. വരും ദിവസങ്ങളില് കൂടുതല് സ്ഥാപനങ്ങളിലേക്ക് ഇത്തരത്തില് മാതൃഭാഷയില് ക്ലാസുകള് ലഭ്യമാക്കാനുള്ള നടപടി ആരംഭിക്കും. പുതിയ വിദ്യാഭ്യാസ നയം പ്രഖ്യാപിച്ചപ്പോള് മുതല് കേന്ദ്ര വിദ്യാഭ്യാസ മന്ത്രി രമേശ് പൊഖ്രിയാല് മാതൃഭാഷയില് ക്ലാസുകള് നല്കുന്നതിനെക്കുറിച്ച് സംസാരിച്ചിരുന്നു.
Comments
Post a Comment